اردن کے دارالحکومت عمان میں واقع اصحاب کہف سے منسوب غار مقامی اور غیر ملکی سیاحوں کے لیے ایک خاص کشش رکھتی ہے۔

یہ غار قرآن میں ذکر کردہ واقعے کے ساتھ منسوب ہے جس میں نیک افراد نے اللہ کے علاوہ دیگر معبودوں کی عبادت کے دباؤ سے بچنے کے لیے پناہ لی اور 309 سال تک سوئے رہے۔

اس غار کے نگران محمود الحنیطی نے وضاحت کرتے ہوئے کہا کہ ’یہ غار سات قبروں پر مشتمل ہے، جس کے اوپر ایک قدیم مسجد بھی واقع ہے۔‘

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

ان کے پاس یہ تسلیم کرنے کے لیے کئی دلائل ہیں کہ یہ وہی غار کا جس کا ذکر قرآن میں ہے۔ ان کا کہنا ہے کہ ’قرآن میں دی گئی نشانیوں کے مطابق یہ وہی غار ہے جہاں سورج کے طلوع اور غروب ہونے کی مخصوص سمت کا ذکر کیا گیا ہے۔‘

الحنیطی نے مزید کہا کہ ’دنیا میں 33 غاروں کا ذکر ملتا ہے، لیکن یہ غار اپنی خصوصیات کی وجہ سے منفرد ہے اور اس کا نام ’الرقیم‘ تاریخی طور پر تسلیم شدہ ہے۔‘

سیاحوں میں امریکی خاتون جینا ہنری بھی شامل تھیں، جو اس غار کے اندر کھڑی ہو کر اپنے جذبات کا اظہار کر رہی تھیں۔ انہوں نے کہا، ’یہ جگہ پراسرار اور جادوئی ہے۔ مجھے یہاں مثبت توانائی محسوس ہوتی ہے۔ یہ بہت خوبصورت، دلچسپ اور منفرد ہے۔‘

برطانیہ سے آنے والے سیاح صادق نے کہا، ’اس جگہ آ کر قرآن کی سورہ الکہف کے الفاظ کا احساس ہوتا ہے۔ یہ ایک جذباتی تجربہ ہے۔‘

غار کے اوپر موجود پرانی مسجد میں بھی زائرین کو جمعے کی نماز ادا کرتے ہوئے دیکھا گیا۔