انڈیا کے جنوبی شہر چنئی میں تمل فلم کے ایکشن سیکوئنس کی شوٹنگ کے دوران ایک سٹنٹ مین تقریباً 20 فٹ اونچائی سے گر کر اپنی جان سے ہاتھ دھو بیٹھا۔
رپورٹس کے مطابق سٹنٹ مین، جن کا پہلا نام ایلومالائی ہے، 16 جولائی کو سالیگرام کے ایل وی پرساد سٹوڈیوز میں تمل فلم ’سردار 2‘ کی شوٹنگ کے دوران ایک بلند پلیٹ فارم سے گر گئے تھے۔
اس حادثے کے بعد شوٹنگ کو فوری طور پر روک دیا گیا اور ایلومالائی کو مقامی ہسپتال لے جایا گیا۔
مقامی میڈیا نے رپورٹ کیا کہ انہیں شدید چوٹیں آئیں اور اندرونی طور پر خون بہنے سے ان کی موت ہو گئی۔ ان کی عمر 54 سال تھی۔ پولیس نے واقعے کی تحقیقات شروع کر دی ہیں۔
حادثے کے بعد پروڈکشن ہاؤس ’پرنس پکچرز‘ نے ایک بیان میں کہا: ’ہمیں سٹنٹ یونین کے ایک رکن ایلومالائی کی موت کی اطلاع دیتے ہوئے افسوس ہے جنہوں نے ہماری فلم ’سردار 2‘ کے سیٹ پر بطور سٹنٹ رگ مین کام کیا۔‘
بیان میں مزید کہا گیا: ’سٹنٹ کے سلسلے کو فلمانے کے بعد جب ہم دن بھر کی شوٹنگ کو سمیٹ رہے تھے جب ایلومالائی غلطی سے 20 فٹ کے روسٹرم سے گر گئے اور انہیں شدید چوٹیں آئیں۔ انہیں قریبی ملٹی سپیشلٹی ہسپتال لے جایا گیا جہاں ڈاکٹروں کی ٹیم نے ان کا علاج کیا، تاہم 16 جولائی 2024 کو رات تقریباً 11.30 بجے بہترین طبی علاج کے باوجود ایلومالائی بدقسمتی سے چل بسے۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
سردار 2، 2022 کی بلاک بسٹر فلم سردار کا سیکوئل ہے۔ اس میں کارتی کے نام سے مشہور تمل اداکار کارتک شیوکمار مرکزی کردار نبھا رہے ہیں۔ فلم کے ہدایت کار پی ایس میتھران ہیں۔
تمل میڈیا نے بدھ کی شام چنئی میں ایلومالائی کے اہل خانہ سے تعزیت کرتے ہوئے کارتی کی ایک ویڈیو شیئر کی جنہوں نے انہیں مالی مدد کی پیشکش بھی کی۔
سردار 2 کی کہانی کے بارے میں زیادہ معلومات نہیں ہیں۔
سکوئل کی پہلی فلم سردار، جو اپنے خاندان سے الگ ہو جانے والے ایک جاسوس کی کہانی بیان کرتی ہے، نے باکس آفس پر کھڑکی توڑ کامیابی سمیٹی تھی۔ فلم نے دنیا بھر سے ایک کروڑ 20 لاکھ ڈالر کمائے جو 2022 میں سب سے زیادہ منافع کمانے والی تمل فلموں میں سے ایک ہے۔
<p class="rteright">ایلومالائی تامل فلم ’سردار 2‘ کی شوٹنگ کے دوران حادثے کا شکار ہوئے (پرنس پکچرز)</p>
from Independent Urdu https://ift.tt/VhmZeXC