پاکستان کے زیر انتظام کشمیر میں وزیراعظم شہباز شریف کی ہدایت پر بھیجی گئی مذاکراتی ٹیم کے ارکان نے ہفتے کو کہا ہے کہ اپنے مطالبات کے لیے احتجاجی مظاہرے کرنے والی جوائنٹ عوامی ایکشن کمیٹی کے ساتھ معاہدہ طے پا گیا ہے۔
عوامی جوائنٹ ایکشن کمیٹی کی قیادت میں 29 ستمبر سے پاکستان کے زیر انتظام کشمیر میں جاری احتجاجی مظاہروں میں سستی بجلی، صحت کی سہولتوں میں بہتری اور سیاست دانوں و بیوکریٹس کو دی جانے والی مراعات کے خاتمے سمیت سیاسی اصلاحات کے مطالبات کیے گئے تھے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
ان مظاہروں میں پولیس اہلکاروں سمیت کم از کم نو افراد جان سے گئے جبکہ متعدد زخمی ہوئے۔
جمعرات کی شام مظفر آباد میں ہونے والے مذاکرات کا پہلا دور نتیجہ خیز ثابت نہیں ہوا تھا، جس کے بعد جمعے کو مذاکرات کا دوسرا دور ہوا۔
جمعے اور ہفتے کی درمیانی شب مذاکراتی کمیٹی کے رکن اور وفاقی وزیر برائے پارلیمانی امور طارق فضل چوہدری اور وزیر برائے ترقی و منصوبہ بندی احسن اقبال نے ایکس اکاؤنٹس پر معاہدہ طے پانے کی تصدیق کی۔
طارق فضل چوہدری نے لکھا: ’الحمد للہ ہمارے مذاکراتی وفد نے جوائنٹ ایکشن کمیٹی کے ساتھ حتمی معاہدے پر دستخط کر دیے ہیں۔ مظاہرین اپنے گھروں کو واپس جا رہے ہیں۔ تمام سڑکیں کھل گئی ہیں۔ یہ امن کی فتح ہے۔‘
الحمد للہ
— Dr. Tariq Fazal Ch. (@DrTariqFazal) October 3, 2025
ہمارے مذاکراتی وفد نے جوائنٹ ایکشن کمیٹی AJK کے ساتھ حتمی معاہدے پر دستخط کر دیے ہیں۔
مظاہرین اپنے گھروں کو واپس جا رہے ہیں۔ تمام سڑکیں کھل گئی ہیں۔
یہ امن کی فتح ہے۔
آزاد کشمیر زندہ باد
پاکستان پائندہ باد pic.twitter.com/6Ir5DYRECi
اسی طرح وفاقی وزیر احسن اقبال نے اپنے بیان میں جوائنٹ عوامی ایکشن کمیٹی کے ساتھ معاہدے کو ’پاکستان، کشمیر اور جمہوریت کی جیت‘ قرار دیتے ہوئے کہا کہ ’آزاد جموں کشمیر کے عوام ہمیشہ پاکستان کے قومی مقصد کی فرنٹ لائن پر کھڑے رہے ہیں اور ان کی آواز میں بہت زیادہ وزن ہے۔‘
احسن اقبال نے مزید کہا: ’گذشتہ ہفتوں کے دوران ہم نے عوامی تحفظات کی وجہ سے مشکل صورت حال کو ابھرتے دیکھا۔ یہ مقامی اور قومی قیادت کی دانش مندی اور بات چیت کا جذبہ تھا جس نے ہمیں اس رکاوٹ کو پرامن طریقے سے تشدد اور تقسیم کے بغیر اور باہمی احترام کے ساتھ حل کرنے کے قابل بنایا۔
’یہ قرارداد ایک فریق کی دوسرے پر فتح نہیں بلکہ یہ آزاد جموں و کشمیر کے عوام، پاکستان اور جمہوریت کی فتح ہے۔ اس سے ظاہر ہوتا ہے کہ جب حکومت سنتی ہے اور جب لوگ تعمیری انداز میں مشغول ہوتے ہیں تو ہم مل کر حل تلاش کر سکتے ہیں۔‘
Alhamdulillah!
— Ahsan Iqbal (@betterpakistan) October 3, 2025
Agreement signed with Joint Action Committee. Pakistan, AJK & Democracy wins.
The people of Azad Jammu & Kashmir have always stood at the frontlines of Pakistan’s national cause, and their voice carries immense weight. Over the past weeks, we saw a difficult… pic.twitter.com/DMGdVDbr0s
انہوں نے مزید کہا کہ ’جوائنٹ عوامی ایکشن کمیٹی نے شہریوں کی آواز اٹھائی اور وزیراعظم شہباز شریف کی قیادت میں حکومت نے ان آوازوں کو سنجیدگی سے لیا۔ ہم نے محاذ آرائی کی بجائے مشاورت کا انتخاب کیا۔ انا کی بجائے ہم نے ہمدردی کا انتخاب کیا۔ ہم آزاد جموں و کشمیر میں گڈ گورننس اور ترقی کے لیے مل کر کام کرنے کا عہد کرتے ہیں۔‘
<p class="rteright">تین اکتوبر 2025 کو پاکستان کے زیر انتظام کشمیر کے شہر مظفر آباد میں احتجاجی مظاہرے کرنے والے عوامی جوائنٹ ایکشن کمیٹی اور حکومتی ٹیم کے درمیان مذاکرات کا ایک منظر (طارق فضل چوہدری ایکس اکاؤنٹ)</p>
from Independent Urdu https://ift.tt/gvwOQzy