پاکستان کے وزیر اعظم شہباز شریف نے ہفتے کو ’سیرت میوزیم‘ کے سنگ بنیاد کی تقریب سے خطاب میں کہا کہ یہ میوزیم اسلاموفوبیا کے پراپیگنڈے کے خاتمے میں اہم کردار ادا کرے گا۔
اسلام آباد میں ہفتے کو سیرت نبوی کے بارے میں آگاہی اور نسل نو میں پیغمبر اسلام کی تعلیمات کے فروغ کے لیے تعمیر ہونے والے ’سیرت میوزیم‘ کے سنگ بنیاد کی تقریب منعقد ہوئی جس میں رابطہ عالم اسلامی کے سیکریٹری جنرل ڈاکٹر محمد بن عبدالکریم العیسیٰ نے بطور مہمان خصوصی شرکت کی۔
پاکستان کے وزیر اعظم شہباز شریف نے تقریب سے اپنے خطاب کا آغاز عربی زبان میں کیا۔
ان کا کہنا تھا کہ ’نبی کریم صلی اللہ علیہ وسلم کی ذات کے بارے میں بعض بد بخت نامناسب طرز عمل اختیار کرتے ہیں اور اسلام، مسلمانوں کے بارے میں گمراہ کن پراپیگنڈہ کرتے ہیں۔‘
’اسلام اور مسلمانوں کے خلاف اس مہم جوئی کے اثرات ہمارے معاشروں پر بھی مرتب ہوئے ہیں۔‘
شہباز شریف کا کہنا تھا کہ ’سیرت میوزیم دو زاویوں سے نہایت اہم خدمت انجام دے سکتا ہے۔ اس سے استفادہ کرنے والے ہمارے ہم وطن اور دنیا بھر کے مسلمان نبی کریم صلی اللہ علیہ وسلم کے سیرت اور کردار اور آپ (پیغمبر اسلام) کے رویوں، رہن سہن کے آداب سے واقف ہو سکیں گے۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے سیرت میوزیم کی تعمیر میں سعودی عرب کے کردار کو سراہتے ہوئے کہا کہ ’اس طرح کے منصوبے پاکستان اور سعودی عرب کے درمیان تعاون کو مزید مستحکم کرتے ہیں۔‘
انہوں نے فیصل مسجد اور سیرت میوزیم جیسے منصوبوں کے ذریعے پاکستان سے محبت کا اظہار کرنے اور مشکل وقت میں ان کی مدد کرنے پر سعودی قیادت کا شکریہ بھی ادا کیا۔
وزیراعظم شہباز شریف نے سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کا بھی شکریہ ادا کیا جنہوں نے اپنے حالیہ دورہ سعودی عرب کے دوران وفد کی میزبانی کی۔
<p>پاکستان کے وزیر اعظم شہباز شریف نے ہفتے کو اسلام آباد میں ’سیرت میوزیم‘ کے سنگ بنیاد کی تقریب سے خطاب کیا (سکرین گریب/ پی ٹی وی)</p>
from Independent Urdu https://ift.tt/4qYlLzX