زرعی یونیورسٹی فیصل آباد میں فیکلٹی آف ویٹرنری سائنسز اور پاکستان کینل کلب کے اشتراک سے ہونے والے ’ڈاگ شو‘ میں مقامی شہریوں سمیت مختلف شہروں سے آنے والے شائقین کی بڑی تعداد شریک ہوئی۔
آرگنائزر سید امتیاز شاہ نے انڈیپینڈنٹ اردو سے گفتگو کرتے ہوئے بتایا کہ ڈاگ شو میں مجموعی طور پر 50 مختلف نسلوں کے 200 سے زائد کتوں نے حصہ لیا۔
’یہاں پر آج دو طرح کے ایونٹ ہو رہے ہیں ایک آل بریڈ ڈاگ شو ہو رہا ہے اور ایک جرمن شیفرڈ سپیشیلٹی شو ہو رہا ہے۔ جرمن شیفرڈ سپیشیلٹی کی جج جو کیتھی آسٹریلیا سے آئی ہوئی ہیں اور آل بریڈ کی جج کیرولین فرینڈ-ریس برطانیہ سے ہیں۔‘
انہوں نے بتایا کہ وہ اس سے پہلے اسلام آباد، لاہور، کراچی اور ساہیوال میں بھی ڈوگ شو کروا چکے ہیں۔
’ان کا مقصد یہی ہوتا ہے کہ اس شوق اور انڈسٹری کو فروغ دیا جائے اور جو لوگ اس سے منسلک ہیں انہیں پرموٹ کیا جائے۔‘
اس موقع پر سب سے زیادہ پسند کئے جانے والے کتے سائبرین نسل کے ہسکی تھے جو اپنی خوبصورتی، جسامت اور چال ڈھال کی وجہ سے شرکا کی توجہ کا مرکز بنے رہے۔
ڈاگ شو میں شرکت کے لیے اسلام آباد سے آنے والے ہارون جنجوعہ نے بتایا کہ ان کے سائبرین ہسکی دو الگ الگ کیٹیگریز میں حصہ لے رہے ہیں۔
ان کا کہنا تھا کہ اس طرح کے ایونٹس میں شوقین لوگ آتے ہیں اور لوگوں کو غیر ملکی بریڈز کو دیکھنے اور ان کے بارے میں جاننے کا موقع ملتا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
’ہماری سوسائٹی میں آپ کو پتہ ہے جو ایک ٹیبو اٹیچڈ ہے، سٹگما اٹیچڈ ہے ان کو نہیں رکھا جا سکتا یا ان ڈور نہیں رکھا جا سکتا، یہاں فیملیز آتی ہیں ان کے لیے فن اور انٹرٹینمنٹ بھی ہوتا ہے اور اس میں بہت کچھ وہ سیکھ سکتے ہیں، بریڈز کے بارے میں جان سکتے ہیں اور انیمل سے پیار کر سکتے ہیں، ان کے ساتھ تصاویر بنا سکتے ہیں۔‘
فیصل آباد سے تعلق رکھنے والے رائنو فاس اسماعیل نے بتایا کہ ان کے بل ڈاگ پابلو ایسکوبارنے بے بی کیٹیگری میں پہلی پوزیشن حاصل کی ہے۔
’میں لاہور بھی کھیلتا رہا ہوں یہ اس کا تیسرا شو ہے۔ یہ بہت اچھے شوز ہوتے ہیں اور یہ ایونٹس ڈاگ لورز کے لئے بہت اہم ہیں یہ ہونے چاہیے۔
لاہور کے رہائشی مکرم ہاشمی نے بتایا کہ اس ڈوگ شو میں ان کے 15 کتوں نے مختلف کیٹیگریز میں حصہ لیا۔
<p>فیصل آباد ڈاگ شو میں لایا گیا سائبیرین ہسکی (انڈپینڈنٹ اردو)</p>
from Independent Urdu https://ift.tt/FQq90oU